مش هننكر إن دبلة الخطوبة او الزواج مهمة اوي فى حياة كل بنت وليها تأثير نفسي جبار، لكن فى نفس الوقت فى أوقات فى اليوم لازم تتخلي فيها عن الدبلة لأن وجودها طول الوقت هيحول تأثيرها الجبار ده لأنها ممكن تأذيكى. تعالى نعرف إيه هي الأوقات دى:
1. وقت ممارسة الرياضة:
الرياضة بشكل عام بتتطب منك مجهود وحركة كتير والعرق مع الحركة ممكن يخليها تقع منك اثناء التمرين او تضايقك لو كان مقاسها مظبوط او ضيق شوية.
2. وقت جلسات تنظيف البشرة:
لأن تنظيف البشرة بيكون دايما بإستخدام كريمات الترطيب او التقشير اللي بتأثر في دبلة الخطوبة او الزواج بسبب المواد الكيماوية المستخدمة فى المستحضرات دى، أما لو دبلتلك فيها فصوص او حبات كريستال فلازم تاخدى بالك جدا أثناء استخدام العطور لأنها هتأثر على لونها مع الوقت.
3. وقت تنظيف المنزل:
والسبب إن اغلب المنظفات المستخدمة فى التنظيف زي المطهرات الكيماوية والكلور بتأثر بشكل كبير على لمعان الدبلة لأن المواد دى بتتفاعل مع معدن الدبلة وتؤدى لتلفها مع الوقت.
4. وقت العمل:
لو طبيعة عملك ليها علاقة بالاشغال اليدوية فالدبلة ممكن تضايقك اثناء عملها، ولو شغلك فى حركة كتير او تعامل مع معادن فده ممكن يؤدى للتفاعل معاها او التواءها وبالتالي تلف الدبلة.
5. وقت ممارسة السباحة:
الكلور الموجود فى مياه حمامات السباحة له آثار سلبية على المعادن فهتأثر على لون الدبلة وشكلها بالإضافة انها ممكن تقع منك وانتي مش حاسة.
إرسال تعليق